-Договор за надминување на полтичката криза мора да има што поскоро, пред почетокот на летните одмори. За Македонија е мошне важно кризата што поскоро да се надмине бидејќи таа криза не е добра за инвеститорите кои и се потребни на македонската економија, изјави германскиот специјален пратеник Јоханес Хајндл за НОВА.
Прашан дали успешноста на неговата посета на Скопје е доведена во прашање поради тоа што не успеа да се сретне со лидерот на ВМРО ДПМНЕ Хајндл во изјавата за НОВА кусо одговори дека бил информиран дека Груевски е на приватно патување и дека одговорноста за состојбите е на политичките лидери.
-Мојата улога е посредничка, а одговорноста за состојбите е на политичките лидери и од нив зависи успешноста на процесот за надминување на кризата, изјави Хајндл за НОВА.
Германскиот пратеник вчера оствари поединечи средби со лидерот на СДСМ Зоран Заев, со претседателот на ДУИ Али Ахмети и првиот човек на ДПА Мендух Тачи, додека во седиштето на ВМРО-ДПМНЕ го пречекаа партиски претставници, но не и Груевски.
По средбата на Бихаќка вчера, СДСМ писмено соопшти заеднички став на партијата и Хајдл било дека нема време за губење и дека е неопходно брзо решение за политичката криза, а тоа е прецизирање конкретни чекори за исполнување на двата клучни услова за брзи фер и демократски избори во Македонија и организација и спроведување слободни избори според Договорот од Пржино.
И лидерот на ДУИ Али Ахмети пред пратеникот посочил дека се залага за брзо решавање на кризата.
Лидерот на ДПА Меундух Тачи пак, вчера изјави дека по посетата на Хајндл и пристигнувањето на Нуланд на 11. јули, можни се решенија за излез од политичкиот ќорсокак и приближниот датум за избори.
Ова е четврта посета на Хајндл во Скопје во краток временски период со цел решавање на кризата.