Остар, гневен и со доза закани кон странските претставници и невладините организации, но и со суптилни повици за непризнавање на институциите на државата доколку се случи ДПМНЕ да не прави влада, ова накусо се поентите од говорот на претседателот на ВМРО – ДПМНЕ кој вечерва го одржа пред Државната избоорна комисија. Говорот дојде по седницата на ВМРО-ДПМНЕ на која заседаваше извршниот комитет на партијата по што е донесен овој проглас, како што рече Груевски, кој го прочита истиот пред подджувачите на партијата пред ДИК.
-Државната изборна комисија донесе незаконски одлуки со цел изигрување на изборната волја на народот. Работата на ДИК се претвори во пародија. Имаме информации за вмешување на некои странски претставници со цел влијание на некои од членовите на комисијата, а во правец на постизборен инжинеринг и фалсификуање на народната волја во Македонија. Некои од независните претставници не се независни. Некои од незаконските одлуки на ДИК може да ги отфрли Управниот суд. Повикуваме да не се врши притисок врз Управниот суд од никого. Доколку и Судот ги потврди одлуките на ДИК и со тоа се фалсификува волјата на народот, ВМРО-ДПМНЕ објавува дека нема да ги учествува во прегласувањето и нема да ги признае резултатите од прегласуањето.
-Аболицираниот криминалец нема да дозволиме да формира влада со фалсификувана волја. ВМРО-ДПМНЕ нема да дозволи функционерање на институции кои го немаат легитимитот на граѓаните на РМ.
-Некои амбасадори почнаа премногу да се мешаат во внатрешните работи на земјата. Но некои амбасадори мора да престанат да го прават тоа. ВМРО-ДПМНЕ нема да дозволи понатамошно мешање на амбасадори во внатрешно политички работи на земјата и бараме да останат во рамките на својот мандат
ВМРО-ДПМНЕ го напушта форматот на преговори со други политички партии во којшто учествуваат претставници на други држави. Во иднина нема да прифаќаме нестанандардни или хибридн решенија во било кој сектоор доколку истите ги нема во другите држави. ВМРО ДПМНЕ нема да дозволи редефинирање на државата.
-Ќе се бориме за десоросоизација на РМ и јакнење на граѓански сектор кој нема да биде под ничија контрола. Ќе се прифати кон регулирање на работата на фондациите и невладините организации. ВМРО-ДПМНЕ и сега и во иднина била и ќе биде прозападно ориентирана партија, наша вредност се НАТО, САД и Европската Унија, рече Никола Груевски.