Сомалискиот премиер Хасан Али Каир денеска изјави дека само во последните 48 часа, во регионот Беј, на југозапад од земјата,од глад починале 110 лица, додека во другите области се загрозени милиони луѓе, пред се, од суша.
Американските медиуми наведуваат дека ова се првите смртни случаи предизвикани од суша, која во вторникот ја прогласи владата на Сомалија, кога воедно беше прогласена и национална катастрофа.
Обединетите нации проценија дека во овој дел на Африка пет милиони лица имаат потреба од хуманитарна помош.
Во Обедиетите нации постои страв дека во Сомалија првенствено, но потоа и во Нигерија, Јужен Судан и Једен има опасност од озбирање сериозни насилни конфликти поради сушите и гладот. Координаторот на Обединетите нации за хуманитарни кризи Стивен О’Брајан се очекува да пристигне во Сомалија во текот на наредните неколку дена.
Групи од илјадници луѓе пристигнуваа ии талкаат низ главниот град на Сомалија во потрага по помош за храна. Меѓународните хуманитарни организации се преполни и не можат да обезбедат доволно храна.
Обединетиите нации стравуваат дека наскоро може да избие и колера и посериозни заразни болести поради недостатокот на чиста вода.