Петар Маневски е осуден во отсуство на 13 години затвор за смртта на матурантот Мухамед Али Јашари кој настрада при тепачка во дворот на ГУЦ „Здравко Цветковски“, јавува Алфа ТВ.
Осуден е и Стефан Гелов на 4 месеци затворска казна за загрозување со опасно орудие.
За третото момче кое беше обвинето судот ја запре постапката и не определи никаква мерка.
Инаку малолетникот Доријан Т. издржува казна затвор од две години за тешка кражба.
Пресудата следи после една година од херојствот на младиот Јашари, кој излегувајќи од училишната зграда по вакцинацијата од сипаници, видел дека непознати и маскирани напаѓачи го тепаат неговиот соученик Дарко.
Откако пристапил да му помогне и да го одбрани, самиот бил нападнат од насилниците од кои добил смртни удари.