Демократската унија за интеграција денеска одбележа 16 години од основањето.
Во соопштението од партијата по тој повод се истакнува дека во 16 години од постоењето партијата имала 12 последователни победи во сите изборни процеси во земјата, 4 конгреси од кои 3 изборни и 1 тематски.
Како свој успех партијата си припишува: „Илјадници вработени во администрацијата и приватниот сектор, слободните економски зони во Струга, Кичево, Тетово, Скопје, започнатата гасификација во Скопје, Тетово и Гостивар, многу изградени патишта и некои кои се уште се градат, автопатот Кичево – Струга, заеднички владини средби со Косово и Албанија, енергетска поврзаност со Албанија, како и преминување на границата со Косово и Албанија без пасош, исцртана граница со Косово и признавање на косовската независност, албанскиот театар во Скопје, тетовската библиотека и театар, Музејот во Битола и Музејот на слободата, Државниот ансамбл на албански песни и ора, Меморијалниот центар на Албанската Мајка во Зајаз, но и конкретни проекти за водоснабдување во напите населени места, ургентен центар во Тетово и други болнички центри, земјоделски субвенции, образовни стипендии и безброј други проекти“.
Партијата смета дека оваа година го заокружува како што велат „тематското делување на Демократската Унија за Интеграција“, што започнало со уставните промени во согласност со Охридскиот договор, територијалната поделба, националните симболи, фер и правичната застапеност во државните институции, предводење на клучни функции во државата како претседател на Собрание, државен правобранител, народен правобранител, министер за одбрана, министер за внатрешни работи итн., целосната инфраструктура во високото образование со легализација на ДУТ, отворањето нови факултети и студенски домови, како и основањето на вториот албански државен универзитет во Скопје, заедно со многу училишта, детски градинки, спортски сали, плоштадите Скендербег, Илирија, на знамето, спомениците на Скендербег, Хасан Приштина, Иса Болетини, Јосиф Багери , Неџат Аголи, Пјетер Богдани, но и со институционалното одбележување на 100-годишнината од азбуката, 100-тиот роденден на Мајка Тереза и 100-тата годишнина од знамето’.
ДУИ како сој успех го смета исто така и статусот на земја-кандидат за членство во ЕУ, визната либерализација со земјите на ЕУ, отворање висок дијалог за пристапување во ЕУ и препораки за отворање на преговори, затворање на спорот со Бугарија и се до целосното официјализирање на употребата на албанскиот јазик и на работ на решавање на прашањето за името што ќе овозможи датум за почеток на преговорите со Европската унија и покана за влез во НАТО.
– За 16 последователни години заедно создадовме дела, не сме се занимавале со навредуви и контрадикти. Ние никогаш не престанавме да ги решаваме проблемите и да се соочиме со предизвиците. Секој единствен ден во овие 16 години го развиваме угледот на достоинствен претставник на граѓаните и го одржуваме силното партиско единство и колегијална солидарност, без да ги заборавиме вредностите и потеклото со којшто го започнавме ова патување, ослободителните напори за слобода и целосна еднаквост, се вели во соопштението од партијата, во кое се истакнува дека партијата „целосно достоинство ги претставувала Албанците и сите граѓани на Македонија на национално, регионално и меѓународно ниво и сме ценети и прифатени од сите“.
Од партијата велат дека и во следните години консензусот ќе биде камен-темелник за градење на нивните политики, но укажуваат на како што велат „фрагментирана албанска сцена со тенденција за понатамошно продлабочување на поделбата на Албанците во безброј партии“.
-Убедени сме дека ова агенда за парцијализирање и слабеење на нашиот политички потенцијал во земјата мора да заврши и ние остануваме посветени на принципот дека на Албанците во Македонија не им требаат повеќе од две политички партии за да се постигне оптимална застапеност и реализација, сметаат од ДУИ.
Од ДУИ најавуваат дека НАТО и ЕУ остануваат целите за кои сметаат дека се најдобро решение за Македонија и ќе придонесат кон мирот, стабилноста и безбедноста, како и за економски развој и социјална и општествена благосостојба.