На овој датум во 2001 година десет воени резервисти загинаа кај месноста Карпалак, на патот Скопје-Тетово, кога конвојот на АРМ беше нападнат од заседа.
Централното одбележување на 16-годишнината на прилепските воени резервисти е денеска, на денот на нивното загинување, во центарот на Прилеп, пред споменикот “Карпалак”.
Ќе се положи цвеќе пред спомен-плочата во месноста Карпалакк од страна на собраниска делегација во состав Кети Смилевска и Жаклина Пешеска и делегација од Министерството за одбрана и Армијата на Република Македонија, предводена од државниот секретар, Драган Николиќ.
Собраниска делегација во состав Хари Локвенец и Весна Дамчевска Илиевска и делегација од Министерството за одбрана и Армијата на Република Македонија ќе положат венци пред комплексот „Карпалак“ во центарот на Прилеп.
На 8 август 2001 година на патот Скопје – Тетово во близина на селото Групчин кај месноста Карпалак од заседа беше нападнат конвој на Армијата на Република Македонија, при што загинаа десет армиски припадници: Нане Наумоски (48), резервен капетан, Сашо Китановски (40), резервен поручник, Горан Миновски (29), воен обврзник, Ердоган Шабановски (21), воен обврзник, Љубе Грујоски (32), воен обврзник, Бранко Секулоски (43), воен обврзник, Дарко Велјановски (27), воен обврзник, Пеце Секуловски (31), воен обврзник, Веби Рушитовски (26), воен обврзник и Мирко Деспотовски (27), воен обврзник, сите од Прилеп и Прилепско.