Берлинскиoт филмски фестивал, во првата половина од неговото 63. издание привлече повеќе од 250.000 гледачи, и тоа оние што купиле билети.

Долгогодишниот директор на Берлинале, Дитер Кослик, е импресиониран од интересот на гледачите и нивниот ентузијазам за филмската програма, која ќе биде завршена на 17 февруари со свеченоста на доделувањето на наградите.

“Публиката беше љубопитна да се доживее различни форми на филмови што ги нуди филмскиот фестивал. Ние сме исклучително задоволни “, изјави Кослик, според соопштението на Берлинале.

И европски филмски маркет го продолжи успехот на претходните години, а се зголемува и интересот на учесниците за него.

Годинава, на Берлинскиот филмски фестивал се претставени вкупно дури 890 филмови, што е значајно повеќе отколку во 2012 година.

На Берлинале во натпреварувачката конкуренција на играни филмови се 19 остварувања, меѓу кои се и новите филмови на Стивен Содерберг, Гас ван Сант. Сепак, главни ѕвезди се француските диви Кетрин Денев, Жилиет Бинош и Избаел Ипер.

Тие играат во различни филмови – Бинош во филмот „Camille Claudel 1915“, кој зборува за францускиот скулптор, Денев игра во филмот „On My Way“, а Ипер во филмот „The Nun“.

Атмосферата се загрева пред финалето во недела, на црвениот килим на Берлиналето се појави и Џафар Панахи, познатиот ирански режисер кому во 2010 година, иранската влада му забрани да снима филмови и го осуди на затвор.

На годиненшиот фестивал пристигнаа неверојатно голем број ѕвезди. Уште на самото отворање Анџелина Џоли и Бред Пит, големата италијанска ѕвезда Орнела Мути, потоа Џејн Фонда, Енди Мекдауел, германската актерка со светска слава, Дајан Кругер, па Тим Робинс, Мет Дејмон, како и претседателот на Европската филмска академија, Вим Вендерс.

А ѕвездите постојано пристигаат. Во берлин сее Џејмс Франко, Кетрин Кинер, Итан Хоук и Џули Делпи, Жилиет Бинош, младите Аманда Сејфрид и Руни Мара, а пристигна и екипата на „Клетници“, кој има специјална проекција, и тоа: Хју Џекмен, Ен Хатавеј и режисерот Том Хупер.

Македонски филм нема во ниту една од програмите на Берлинале. Филмот “Трето полувреме“ имаше проекции на филмскиот маркет.