Тврдина, Таргет, насилствата во општина Центар, Транспортер, Тарфа, Тенк, Труст, Триста – вкупно 34 судски рочишта во кривичен се закажани за нивните предмети само месец јануари и февруари.
Предметот за нелегалното прислушување познат како „Тврдина-Таргет“ е закажан за 17 јануари. Во овој предмет обвинети се екс дректорот на УБК, Сашо Мијалков, екс-министерката Гордана Јанкулоска, поранешниот началник на Мијалков, Тони Јакимовски, како и бегалците Горан Грујевски и Никола Бошкоски. Заслучајот со битолските превозници познат како „Транспортер“ во јануари се закажани 4 рочишта.
Потоа следува судско рочиште за предметот Тарифа. На 30 јануари се закажни три судења за предмети на СЈО. Почнува предметот на СЈО за набавката на екстралуксузниот „Мерцедес“, „Тенк“, во кој првообвинета е ексминистерката гордана јанкулоска, а обвинети се и помошник-министерот за јавни набавки Ѓоко поповски и екс-премиерот Никола Груевски. Истиот ден заедно со „тенк“, треба да почне судењето за „топлик“ и за предметот „Труст“. Случајот „Насилство“, во кој првообвинет е екс-лидерот на ВМРО-ДПМНЕ, Никола Груевски, е закажано за 2 февруари.
Два дена подоцна, почнува судењето за „Трезор“. На 6 февруари е закажано рочиште во случајот „Сопот“, кој го презеде и го застапува СЈО. На 14 февруари продолжува судењето за „Траекторија“, а за 19 февруари е закажан случајот „Триста“. Истиот ден со „Триста“, ќе му се суди во издвоена постапка на седмообвинетиот за насилствата пред општина Центар, Димче Крстев.