Израелските безбедносни сили (ИДФ) денеска соопштија дека вчера извршиле воздушни напади врз повеќе од 150 терористички цели во Појасот Газа. Цел на нападите биле лансирни рампи за противтенковски ракети, келии на оперативците на Хамас и објекти кои се користат за напади врз израелските сили.
ИДФ наведе дека во текот на копнените операции 252 дивизија убила неколку оперативци на Хамас во северниот дел на Појасот Газа и уништила неколку тунели. Додека 36 дивизија исто така елиминирала неколкумина припадници на Хамас и уништила инфраструктура на Хамас во Рафа.
Претходно, Цивилната одбрана на Појасот Газа објави дека во израелскиот напад врз палестинската енклава загинале најмалку 50 луѓе.
Ова е најобемниот копнен напад врз северна Газа откако Израел ја продолжи својата офанзива на почетокот на март.