Ирелевнатно е каде е Сеад Кочан и кога ќе се врати, изјави неговиот адвокат Никола Додевски, денеска пред Кривичниот суд, каде денеска беше бранител на обвинетите во случајот на СЈО Тврдина 2.

Тој повтори дека е решението на Кривичниот совет за притвор на Кочан е противзаконито и дека Советот веднаш не постапил по жалбата на одбраната и не го испратил предметот на Апелација на одлучување.

– Сеад Кочан е слободен човек и тој може да си ги извршува сите свои работни обврски, повтори Додевски.

По сопственикот на ТВ Нова распишана е меѓународна потерница за приведување. Од МВР за НОВА во саботата потврдија дека тој во во четвртокот (9 март) ја напушти Македонија. Претходно беше распишаната потерница за приведување на ниво на Македонија, а неколку часа подоцна била распишана и меѓународната потерница.

Кочан кој е првоосомничен во предметот именуван како Труст на Специјалното јавно обвинителство, ја напуштил Македонија неколку часа пред да биде објавена одлуката на Кривичниот совет со која се прифаќа жалбата на СЈО и се бара притвор за него.

Сеад Кочан, во четвртокот наутро ја напуштил Македонија преку границата на Табановце и заминал во непознат правец.

Министерството за внатрешни работи не знае во која држава се наоѓа Кочан во моментот.

Вчера, Додевски преку соопштение информира дека поднел барање до Апелација за укинување на притворот.