Едно лице е уапсено во Стокхолм кое ја признало одговорноста за денешниот напад на стоковната куќа во центарот на Стокхолм, при што загинаа 4 лица, а 15 се повредени, ја потврди полицијата веста на Афтонбладет.
https://www.youtube.com/watch?v=w1hcliakfP0
Уапсениот наводно имал лесни повреди.
Во меѓувреме полицијата сооошти дека еден од повредените починал во болницата, а 15 се и натаму на болничко лекување.
Претходно полицијата објави фотографија на човек со кого би сакала да разговоа во врска со нападот.
Шефот на Националниот оперативен оддел при шведската полиција Матс Лофвин изјави дека фотографијата е направена воочи инцидентот и многу блиску до тајмингот кога тој се случил.
-Сакаме контакт со ова лице, изјави тој на прес конференцијата.
Според извори на медиумите, напаѓачот најверојатно избегал преку метро страницата и во моменов трае потрагата.
Шведската полиција соопшти дека води истрага за две лица.
Портпаролот Ларс Бистром изјави дека се приведени две лица на испрашување, но тоа не значи дека тие се осомничени.
Нападот е извршен со украден камион на компанијата за пиво Спендрупс, од каде потврдија дека камион бил украден пред нападот што се случи во 13 часот.
Шведскиот премиер Стефан Лофтен изјави дека неговата земја е нападната и дека се укажува на тоа дека денешниот напад е тероризам.