Денеска од 18.30 до 21.30 часот во паркот во Капиштец (меѓу улиците Васил Ѓоргов и Народен фронт), општина Центар ќе организира забава и прво маалско дружење под името „Во ритмот на Центар”.
На ова дружење насловено се поканети уметници, музичари, ракотворци, поети, готвачи и ентузијасти, деца, млади и возрасни. Сите се добредојдени, како гости или учесници.
Сите гости на настанот ќе се најдат на исто место со граѓаните и посетителите и да придонесат, да помогнат и да го споделат она што го знаат, мисла и дело. Настанот е донација од сите оние кои во него учествуваат.
„Заедно, да ја вратиме во живот дружбата, да размениме информации, да го дадеме најдоброто едни за други. Постои една многу стара песна од Петјула Кларк. Се вика Даунтаун. Во неа се вели дека сите прикаски почнуваат во центарот на градот, таму од каде што почнал да се гради градот. Да заборавиме на грижите или да ги споделиме, за да ги решиме.
Дојдете утре во паркот, да го започенеме летото предвреме, да му дадеме смисол, насмевка и боја на градот. Да го најдеме споменот на местото кое живот значи. Да се вратиме во маалото како дома“, велат организаторите на настанот.