Незадоволни пациенти од Поликлиниката во Ченто, испратија видео до редакцијата на НОВА а во кое се гледа дека веќе неколку дена внатре стои вода од која се шири смрдеа во ординациите.
Од ЈЗУ Здравствен дом Скопје велат, водата била во подрумските простории, а се појавила како последица на дефект кој што локациски е надвор од Поликлиника Ченто.
Проблемот, како што тврдат оттаму, додека службите го санираат, не претставува пречка во давањето на здравствени услуги.
– По пријавата од страна на Управата на ОЕ ПЗЗ Ченто, службите на Водовод и канализација работат на отстранување на дефектот и во текот на денешниот ден се работи на отстранување на вода од подрумските простории (во делот на скривници) каде што уште еднаш напоменуваме не влијае на работата и пристапот на корисниците на здравствени услуги во поликлиниката, велато оттаму.