Со концерт на Македонската филхармонија на која како солист настапува Симон Трпчески под диригентство на Владимир Ашкенази од Русија вечерва и официјално е отворен новиот објект на Филхармонијата. Свечено објектот со сечење лента го отвори техничката министерска за култура Елизабета Канческа-Милевска, заедно со претседателот на РМ, Ѓорге Иванов и премиерот во заминување, Емил Димитриев.
-Новата концертна сала за Македонската филхармонија е нашата нова референца на европската културна мапа. Од денеска во Скопје и во Македонија, музиката ќе се создава и ќе се восприема во истиот амбиент како и во концертните сали ширум Европа и светот, рече Канческа Милевска.
Новиот објект на Македонската филхармонија се протега на површина од 12.400 метри квадратни. Располага со две сали, голема сала со капацитет 1.000 места и мала, повеќенаменска сала со капацитет од 310 места од кои 168 се фиксни седишта, 110 се телескопски и 32 се мобилни седишта.