Кими Раиконен по 17 пат во кариерата ќе поведе трката во Формула 1 шампионатот. Пилотот на Ферари ќе тргне од пол-позицијата (негова прва по пауза од девет години) во утрешната трка низ улиците на Монте Карло за ГН на Монако. Времето што „летечкиот Финец“ го оствари во официјалните квалификации е 1:12,178 минути. Од второто место ќе стартува Себастијан Фетел (Ферари).
Зад нив, во вториот ред, ќе бидат Валтери Ботас (Мерцедес) и Макс Ферстапен (Ред Бул). Меѓу најдобрите 10 уште се најдоа Даниел Рикардо, Карлос Сајнц јуниор (Торо Росо), Серхио Перез (Форс Индија), Роман Грожан (Хас), Стофел Вандорн (Мекларен) и Данил Квјат (Торо Росо).
Во првите пет реда, забележувате, го нема Луис Хамилтон. Британецот ќе почне од 13 позиција, откако не успеа да се палсира во третиот круг квалификации поради проблеми со управување на болидот.
Трката за ГН на Монако, шeста во оваа сезона, е утре попладне од 14 часот.