Синоќа, во Салoнот на Македонската Опера и Балет, беше отворено 34-то издание на Меѓународната културна Манифестација „Скопско лето 2013“, во организација на Дирекцијата за култура и уметност, а под покровителство на Градот Скопје и Министерството за култура.
Музичко – сценскиот спектакл што го отвори ова издание на Скопско лето е насловен како „Бетовен 9 – та симфонија“, диригент на концертот беше Шунго Моријама (Japonija) Shungo Moriyama а солисти: Ирена Кавкалевска – мецосопран , Ѓорѓи Цуцковски – тенор (Македонија), Еми Хашики (Emi Hishiki) – сопран и Кеишуке Отани (Keisuke Otani) – баритон од Јапонија, а учествуваа и хорот и оркестарот на МОБ, заедно со хористи гости од Јапонија. Концертот за отворањето на Скопско лето 2013 е копродукциски проект меѓу МОБ (Македонија) и МК Лимитед (Јапонија).
Мирко Стефановски, директор на Дирекцијата за култура и уметност-Скопје, излезе со благодарност кон публиката, но и јапонската солидарност:
– Во овие 40 денови нашата верна публика, која веќе 34 години го следи “Скопско лето” ќе има можност да проследи 70 културно-уметнички програми поместени на 26 простори. Пред 14 години на “Скопско лето” го имавме Бетовен, и сега кога Скопје одбележува 50 години од катастрофалниот земјотрес со Деветтата симфонија повторно и се заблагодаруваме на Јапонија за солидарноста покажана во далечната 63-та, рече Стефановски.
За отворањето на овој скопски фестивал е организирана беше и Изложба на слики од Марија Светиева по повод 25 години ликовно творештво. Светиева е м-р по ликовни области-графика, а изложбата насловена како „ТАНЦОТ НА ЖИВОТОТ„ ќе беше отворена во Национална галерија на Македонија – Мултимедијален центар „Мала станица”. Куратор на изложбата е Љупчо Маленков.