Стефан Ристовски продолжува до ефетивните партии во дресот на Риека. Офанзивниот бек на фудбалската репрезентација на Македонија беше во улога на асистент во ремито (1:1) на хрватскиот претставник кај Салбург во првиот меч од третото квалификациско коло за Лигата на шампиони (ЛШ).
По негово додавање дојде погодокот на Гаврановиќ во 30 минута за водство на екипата од „Кантрида“, австрискиот бундеслигаш израмни во 49 минута преку Хванг Хе Чанг. Ристовски беше стартер и ги одигра сите 90 минута на „Ред Бул арена“. Леонард Жута го почна мечот од клупа и ги одигра последните 20. минути.
Резултат како вардаровиот, што влева надеж за пласман во плеј-оф за ЛШ, има и Марибор. Словенечкиот тим, како домашен, славеше над Хафнарфјордур со 1:0 пред реваншот на Исланд наредната недела. Стрелец на единствениот гол на „Људски врт“ беше Тавареш во 54 минута.
Селтик, пак, не успеа да обезбеди предност за гостувањето во Норвешка. Тимот на Брендон Роџерс одигра 0:0 против Розенборг на „Селтик парк“, па пласман во плеј-офот ќе мора да брка во Трондхајм. Победник немаше ниту на Азурниот брег во дербито на вечерта меѓу Ница и Ајакс ниту во Белгија по воведните 90 минути од двомечот на Бриж и Истанбул Басакшехир.
Лига на шампиони/квалификации/3 коло/први мечеви
Резултати
Бриж (Белгија) – Истанбул Басакшехир (Турција) 3:3
Ница (Франција) – Ајакс (Холандија) 1:1
Селтик (Шкотска) – Розенборг (Норвешка) 0:0
Марибор (Словенија) – Хафнарфјордур (Исланд) 1:0
Виторул (Романија) – АПОЕЛ (Кипар) 1:0
Хапоел Бер Шева (Израел) – Лудогорец (Бугарија) 2:0
Салцбург (Австрија) – Риека (Хрватска) 1:1
Динамо Киев (Украина) – Јанг Бојс (Украина) 3:1
Астана (Казахстан) – Легија Варшава (Полска) 3:1