Пожарот во Требовље стаса до куќите, ставен како итна точка на Влада

Според 24 Вести пожарот во Требовље е ставен како вонредна и итна точка на денешниот дневен ред на Владата која својот состанок го започна во 17 часот.

Пожарот стигнал на само пет метри од првите куќи во Требовље, а жителите немаат ниту струја. Во моментов во селото се шеесетина војници на АРМ и неколку противпожарни возила од повеќе градови во Македонија.

Центарот за управување со кризи соопшти дека пожарот во атарот на Македонски Брод сè уште е активен. Се работи за два пожари,  од кои едниот е од месноста Круша, атар на селото Близанско со правец на движење кон Требовље, а вториот пожар е од Требовље со правец на движење кон месноста Лутоец и Фојник.