Поплавите на улиците на Хјустон достигнаа до покривите на еднокатниците, а спасувачите со чамци, камиони и хеликоптери им помагаат на жителите во поплавените области низ градот.
Американскиот претседател Доналд Трамп денеака ќе допатува во погодените области од ураганот Харви.
Американските власти соопштија дека досега се регистрирани шест смртни случаи кои е можно да се поврзани со ураганот, откако претходно беше соопштено дека досега починале 4 лица.
Властите предупредија дека опасноста се уште не поминала и дека заливот би можел повторно да се соочи со тропската бура. Од Метеоролошкиот завод во некои места во Тексас најавуваат дека би можело да се очекуваат уште 30 сантиметри дожд.
Училиштата и државната администрација во Хјустон се затворени, како и главните аердороми, повеќето важни автопати, железниците и болниците, од кои пациентите се евакуирани во текот на викендот.
Аеродромите „Џорџ Буш“ и „Вилијам П. Хоби“ се затворени порадо вода на пистите и во околните подрачја.
Според надлежните тие наскоро нема да бидат отворени.
Околу 12.000 припадници на Националната гарда се распоредени во Тексас, кои помагаат во потрагата и спасувањето, а ќе бидат активни и при обновата на штетите.
Ураганот Харви, најсилниот ураган што ги погодил САД од 2005 година, удри на американскиот брег кај Тексас, во петокот навечер, со јачина на ветер од 205 километри на час и се движеше долж брегот. Во саботата тој ослабе и премина во тропска бура.