Околу 300 туристи, од кои 100 странци се заробени од голем одрон во подрачјето Елбрус на рускиот Кавказ, каде е прогласена вонредна состојба.
Одронот го погодил Елбрус околу 2.50 минути наутро по московско време, а три автомобили, во кои имало пет лица, паднале во реката, соопшти руското Министерство за вонредни ситуации.
Две лица се спасени, а по тројца се трага, меѓу кои е и началникот на ова подрачја Муса Јапуев кој прв пристигнал на местото на одронот.
Медиумите јавуваат дека одронот би можел да отсече околу 7.700 луѓе кои се наоѓаат во областа, од кои 260 се странци.
Итните служби се обидуваат да ги ослободат зарбоените од одронот.
Локалниот министер за вонредни ситуации за тамошните медиуми потврдил дека 301 турист се заробени и дека ситуацијата е критична, иако тие имаат храна и други продукти за околу еден месец.