Агенцијата за аудио и аудиовизуелни медиумски услуги (АВМУ) поведе прекршочни постапки против телевиизите „Алфа“, „Компани 21-М“ и „Стар“, врз основа на извештаите од мониторингот на партиското претставување за време на изборната кампања.
Прекршочна постапка против ТВ „Алфа“ е поради необезбедување избалансирано покривање на локалните избори 2017, во вкупната програма, во првите десет дена од изборната кампања.
ТВ „Компани 21-М“ и ТВ „Стар“, пак, емитувале платено политичко рекламирање во посебни информативни програми: во дебатната емисија „Клик плус“, емитувана на 4 октомври годинава на ТВ Компани 21 и во две изданија на „24 Отворено“, емитувани на 4 и 5 октомври годинава.
Извештаите од мониторингот на радиодифузерите се достапни на веб страницата на Агенцијата на следниот линк www.avmu.mk.