Извор АФП
Изборната екипа на Доналд Трамп добила наредба од американската правда да ги достави сите документи кои се однесуваат на обвинувањата за сексуално вознемирување против милијардерот, објави вчера BuzzFeed News заедно судскиот документ.
Барањето стасало во март годинава откако Трамп седна во Белата куќа а барањето дошло од Самер Зервос, поранешна учесничка на шоуто “The Apprentice” во кое со години учествуваше и Трамп пред да влезе во политиката.
Оваа жена го обвинува Трамп дека дал “повеќе лажни и клеветнички изјави” против Зервос откако таа го обвини дека се обидувал со сила да ја бакне и да ја прегрнува во хотел во Лос Анџелес во 2007 година.
Американската истрага бара од изборниот тим на Трамп да ги достави сите документи што ги поседува, што се во врска со било кое обвинување направено во текот на кампањата и кои го обвинуваат дека “натерал жена да има со него сексуални контакти без нејзина согласност и имал депласирано сексуално однесување” без оглед дали се однесува на Зервос или било која жена.
И Зервос и повеќе други жени го обвинија Трамп за вакво однесување а во октомври 2016 година беше објавено видео од 2005 година во кое се гледа се актуелниот американски претседател се фали “дека може жените да ги фаќа за дундите”. Тој во видеото вели дека “кога си ѕвезда, те оставаат тоа да го правиш”.
Пред една година Трамп рече дека овие изјави се “кафански муабети” и ги нападна жените што го обвинуваат како лажги.
Според тужбата за клевета на г-ѓа Зервос “Трамп стана тотално опседнат нарекувајќи ја г-ѓа Зервос и сите жени што го обвинуваа дека лажат и имаат задни мисли што не смеат да ги признаат”.
Доналд Трамп е “лажго и женомразец” којшто ја “клевети г-ѓа Зервос со лажни изјави”, се вели во тужбата што ја објави BuzzFeed.