Папата Францис денес, во Организација за храна и земјоделство на ОН, апелираше до меѓународната заедница зборот «сожалување» да го замени со «љубов» во меѓуродната соработка.
«Дали е претерано во јазикот на меѓународната соработка да се воведе категоријата «љубов» под која се подразбира благодарност, еднаквост на третманот, солидарност, донаторска култура, братство, милост?», ги запраша Папата меѓународните дипломати.
«Способноста за сакање е главниот пат што гарантира не само безбедност на храната туку и хумана сигурност во својата глобална смисла», рече тој и додаде дека не може светот да се ограничи на сожалување бидејќи сожалувањето значи само итна помош додека љубовта се инспирира од правдата.
«Сакањето значи дека секоја земја треба да ја зголеми продукцијата на храна и да дојде до самодоволност во храната. Сакање укажува на нови модели на развој и потрошувачка. Со усвојување на политики што нема да ја влошуваат состојбата на неразвиените народи и нивната надворешна зависност», прецизираше Папата.
Тој исто така повика да се обрне повеќе внимание на маргинализираните заедници:
«Гладен сум, странец сум, гол сум, болен сум, се наоѓам во камп на бегалци», изјави Папата.
Претходно тој инагурираше скулптура на Алан Курди во холот на Организација за храна и земјоделство на ОН. Курди е момчето што беше најдено мртво на една плажа во Турција во 2015 година и стана симбол на трагедијата на бегалците во Медитеранот. Автор на скулптурата е Луиѓи Преведел и е донација на Папата.