Рускиот опозициски активист Алексеј Навални денеска беше ослободен по поминати 20 дена во притвор поради организирање на неодобрен протест против рускиот претседател Владимир Путин.
Навални објави фотографија на неговиот профил на социјалната мрежа Инстаграм, со коментар „Здраво, надвор сум“. Навални веднаш најави нов протест против Путин, утре во градот Астрахан.
Во 2016 година Навални најави дека ќе се кандидира за претседател на Русија на изборите во 2018 година, на кои се очекува Владимир Путин да бара нов мандат.
Навални, кој е остар критичар на Кремљ и еден од најпопуларните опозициски политичари во Русија, изминатите години неколку пати беше притворен и осудуван за ненајавени протести.
Во 2013 Навални е осуден за проневера од пола милион долари додека работел како советник на гувернерот Никита Белик, но Европскиот суд за човекови права донесе одлука во негова корист, тврдејќи дека на Навални не му се судело фер.
Во 2013 година се тркаше за градоначалничкото место на Москва кога на изненадување на сите, освои повеќе од една четвртина од гласовите.
Работата на Навални доби внимание преку блогирање во 2008 година, пишувајќи за корупција во руските корпорации под раководство на државата.