Речиси три недели по потпишувањето на договорот за помирување, радикалното движење Хамас и умерената палестинска управа направија чекор напред кон спроведување на делови од договорот.
Исламското движење Хамас, кое владее во појасот Газа, го предаде денеска на палестинската управа, која го контролира Западниот Брег, граничниот премин меѓу енклавата на брегот на Средоземното Море и Египет.
Потпишаниот договор за трансфер на одговорноста се смета за тест на палестинското помирување постигнато во минатиот месец меѓу исламистичкиот Хамас и секуларниот Фатах на палестинскиот претседател Махмуд Абас.
Врз основа на договорот за помирување потпишан во Египет, палестинската управа, која е меѓународно призната и се смета за закана на незвисната палестинска држава, ќе ја преземе целосната контрола од Хамас во Газа до 1 декември.