Шпанскиот премиер Мариано Рахој смета дека регионалните избори во Каталонија следниот месец ќе помогнат да се стави крај на „сепаратистичкиот пустош“. Ваквиот заклучок Рахој го даде директно од Каталонија каде што за прв пат беше во посета поради политичка кампања по референдумот.
Бранејќи ја својата одлука во Барселона, тој рече дека ги истрошил сите свои инструменти откако каталонската влада се одлучила да прогласи независност, што пак резултираше со тоа да неколку функционери од самиот врв завршат во затвор.
Истовремено, над 700.000 луѓе протестираа во Барселона против апсењето на каталонскиот лидер Карлес Пучдемон.
Каталонската влада веднаш по референдумот прогласи незавиност, а како одговор на тоа шпанската влада го распушти каталонскиот парламент и ја презеде контролата по што распиша избори.
„Мораме да ја вратиме Каталонија од пустошот на сепаратизмот. Преку демократија мора да ја вратиме Каталонија на сите“.
Тој побара од компаниите да не го напуштаат регионот откако стотици фирми ги преместија своите седишта поради несигурноста во регионот.
Шпанците од друга страна ги замоли да продолжат да купуваат каталонски прозиводи.