Роџер Федерер е неприкосновен според заработувачката од настапи на турнирите во тек на кариерата. Швајцарецот, според најновата листа, стигна до сума од преку 110,235 милиони долари со што ги престигна и српскиот колега Новак Ѓоковиќ и американскиот голфер Тајгер Вудс. Но, ако кон нив се додадат и приходите од спонзорите, тогаш банкарската сметка на тенискиот ветеран од Базел е драстично подебела.
Вудс падна на второто место со 110,061 милиони долари, но неговото салдо стагнира во изминатите години поради изостанување на резултатите од настапи на ПГА турот.
Трет на листата е Ѓоковиќ кој досега инкасира 109,805 милиони долари од учества на АТП турнирите. Мешутоа ако се имаат предвид само тенисерите, тогаш Србинот е веднаш зад Федерер, а по нив следуваат Рафаел Надал со 91,32 милиони долари, Енди Мареј со 60,80 милиони долари, Пит Сампрас со 43,28 милиони долари, Андре Агаси со 31,15 милиони долари, итн.