Вработен во Управата за безбедност и контраразузнавање кој се наоѓал подолу во хиерархија е првиот обвинет за кого има правосилна пресуда со условна казна во случајот „Тврдина – Таргет“ на СЈО.
Обвинетиот кој немал одлучувачка моќ го признал делото и објаснил како се вршело прислушувањето и дека под притисок го правел она што се барало од него.
НОВА ТВ од полициски извори дознава дека веќе осудениот немал моќ да носи одлуки, но имал надлежности кои биле врзани за процесот за кој се однесува делото.
Специјалната јавна обвинителка Катица Јанева денеска во изјава за медиумите информираше дека е задоволна од пресудата за предметот „Таргет-Тврдина“ во кој во раздвоена кривична постапка за едно лице, врз основа на признание на вина, на обвинетиот му е изречена алтернативана мерка-условна осуда за кривичното дело „Помагање на сторител во извршено кривично дело“.
Во случаите „Таргет“ и „Тврдина“, кои се споени во еден обвинителен акт, првообвинети се поранешниот директор на Управата за безбедност и контраразузнвање (УБК), Сашо Мијалков, ексначалникот на петтата управа, Горан Грујовски, поранешниот шеф на кабинетот на Мијалков, Тони Јакимовски, и уште десетина лица.
За Грујевски и Мијалков таа очекува дека ќе добијат највисока казна од судот.