Поранешниот претседател на Собранието, Трајко Вељаноски денеска преку соопштение се обрати до граѓаните. Тој во своето писмо вели дека денеска, државата, со приведувањето и на двајца административни службеници, млади професионалци, родители и сопрузи на малолетни дечиња го покажува своето најгрдо и најлошо недемократско лице.
„Единствениот грев на двајцата млади професионалци е што тие како одговорни личности со долг собраниски стаж, за време на настаните од 27 април, биле на своите работни места во македонскиот парламент. Ниту влегувале некаде. Ниту го напуштиле своето место. Ниту направиле нешто трето спротивно на законот. Напротив! Останале, заедно со сите други вработени, трпејќи ги, крајно незаслужено сите негативности и трауми кој ни ги донесе тој тажен ден за нашата Татковина.
Вељаноски ги повика институциите да ја исправат грешката затоа што „лошата правда е најголемата неправда“.