Претседателот на Државната изборна комисија Александар Чичаковски средствата од бонусот за изборите, во износ од 260.000 денари, ги донирал во граѓанската организација „Полио плус – Движење против хендикеп“. Средствата, како што се соопштува, ќе бидат искористени за унапредување на политичката партиципација на лицата со попреченост.
– Вчера имав средба со претседателот на ДИК. Ние не сакавме бегла и гола донација без значење. Се договоривме средствата да бидат искористени за унапредување на политичката партиципација на лицата со пореченост, но договоривме соработка со него како човек кој има големи познавања од областа на изборите, изјавил претседателот на „Полио плус“ Звонко Шаврески.
Тој информираше дека Чичаковски средствата ги уплатил денеска на сметката на оваа граѓанска организација.
Како што изјави Чичаковски овие средства ќе бидат наменети за проект на невладината со кој ќе им се помогне на лицата со посебни потреби полесно да го остварат своето избирачко право.