Индија лансира интерконтинентална ракета со најголем дострел „Агни-В“, соопшти индиското Министерство за одбрана и наведе дека тестирањето е „голем поттик на одбранбените капацитети“ на земјата.
Во соопштението се наведува дека пробата е извршена во рамки на напорите на Индија да изгради нуклеарно оружје способно да се спротистави на соседните Пакистан и Кина.
Министерството на Твитер објави дека ракетата со дострел од 5.000 километри е лансирана од островот во Бенгалскиот Залив, во близина на источниот брег на Индија.
„Агни-В“ е надградена верзија на првичната ракета „Агни“ (Оган), дел од програмата почната во 80-тите години на минатиот век.
Индија е под закана од Пакистан, кој развива сопствена нуклеарна и ракетна програма, како и Кина, со која Индија има долгогодишен спор околу границата со Хималаи, кој се заостри последните години.