Владиниот портпарол Миле Бошњаковски на денешната прес конференција најави можност до крајот на неделата да се одржи посебна седница Владата на кој ќе се усвои Предлог-законот за измени и дополнување на Законот за аудио и аудио-визуелни уметности со што ќе се овозможат и промени во јавниот сервис.
Во врска со вчерашниот реизбор на Марјан Цветковски за генерален директор на МРТ, инаку кадар на ВМРО ДПМНЕ, Бошњаковски рече дека Владата нема никаква поврзаност со изборот.
-Изборот е одлука на Програмскиот совет на МРТ кој фунционира во стариот состав, граѓаните знаат кој членува таму под чие влијание тој работи. Веднаш по усвојување на новиот Закон за аудио и аудиовизуелни медиуми ќе се овозможи избор на професионално и непартиски раководство во МРТ и во Агнцијата за медиуми. Овој избор е на важност се додека не го усвоиме законските измени. Законот ќе го усвоиме наскоро со него ќе се овозмози целноста департизација на МРТ и Агенцијата, рече Бошњаковски.
Цветковски беше актуелен директор на МРТВ чиј мандат истекува кон крајот на годината. Но на 26 јануари беше распишан конкурс за нов директор, пред истекот на мандатот и пред да се донесе новиот Закон за медиуми, кој е во процедура.
Цветковски вчера е избран со десет гласови „За“. Двајца не гласале – претставникот на ЗНМ и претставникот на Албански театар.
За Цветковски гласале: Јагнула Куновска, Косара Мазнева, Снежана Клинчарова, Ристе Панов, Златко Јанкоски и членовите на ДУИ.
Нова ТВ дознава дека имало поднесено 13 кандидатури за генерален директор, од кои три програми речиси биле идентични.
Функцијата генерален директор ја извршува од 2012 година. Тој доби уште три години мандат. Упатените очекуваат дека тој ќе биде директор до изгласување на новиот Закон за медиуми.
За заменик директор имало поднесено осум кандидати, од кои со десет гласови „За“ бил избран Харун Ибрахими.