Опозициската ВМРО ДПМНЕ денеска ја обвини власта за„ непочитување на законите, за уривање на демократијата и за парламентарното насилство манифестирано со игнорирање и ограничување на правата на пратениците од опозицијата е осакатување на демократијата“, во врска со најаваената расправа за Законот за јазиците денеска во Собранието.
-Власта мора да се вразуми и да го почитува Деловникот. Законот за двојазичност треба да се повлече и да се дискутира бидејќи е неуставен, неприменлив и носи сериозен долгорочен ризик по кохезивноста во Македонија. Почитувањето на законите онаму каде што се носат е насушно потребно, за истите да имаат своја тежина. Законите донесени на незаконски начин се преседани кои во иднина може да станат правило, се вели во соопштението од опозициската партија при што се оценува дека ова претставува “силен удар врз правото“.