Министерот за надворешни работи на Грција Никос Коѕијас во пресрет на претстојната посета на Скопје, добил анонимно предупредувачко писмо со кушум, пишува денеска „Катимерини“.Во предупредувачкото писмото било наведено дека куршумот е поради неговата улога во тековните преговори за „македонското прашање“, пренесува МИА.
Писмото и куршумот се предадени во полиција за истрага и вештачење за да се открие испраќачот.
Слично заканувачко писмо со куршум поради „македонското прашање“, Коѕијас доби и во почетокот на февруари годинава.
Анонимно писмо со закана било испратено и до пратениците.„За сите вас, особено за оние што ќе стават потпис на распродавањето на нашата Македонија важи само едно нешто: ќе направиме да ги снема нивните семејства, од најмалиот до најголемиот“ пишувало во писмото.
Никос Коѕијас, според најавите од грчките медиуми, доаѓа во Скопје на 22 и 23 март на средба со шефот на македонската дипломатија Никол Димитров. Се очекува Коѕијас да пристигне со авион на преименуваниот Скопски аеродром и да ја донесе најавуваната грчка нацрт-спогодба за решавање на прашањето за името.