Вицепремиерот за европски прашања Бујар Османи преку видео порака на француски јазик на својот Фејсбук профил му се обрати на амбасадорот на Франција Кристијан Тимоние во врска со неговите забелешки околу носењето на Законот за употреба на јазиците.
-Ќе се согласам со Вас дека атмосферата во Собранието не доликува на вистинска демократска дебата базирана на аргменти, но нашите напори за аргиментирана дебата со месеци беа игнотирани. Целта на овој закон не беше триумфализам на Албанците во Македонија туку вистинска шанса за изградба на граѓанско мултикулутрно општество. И носењето на овој закон е пораз за никого, туку придобивка, и не носи загуба за никој, вели Османи во обраќањето до амбасадорот Тимоние.
На крајот Османи истакнува дека на патот кон ЕУ интеграциите, неговите совети се добредојдени, но пред се неговата поддршка и помош.
Амбасадорот Тимоние му одговори на Твитер.
-Ви благодарам господине вицепремиер за вашиот искрен и аргументиран одговор, на француски јазик, што искрено многу ми значи. Сметајте секогаш на подршката од Франција на вашиот пат кон Брисел. Ви посакувам демократска дебата во мирна атмосфера, напиша Тимоние.
Францускиот амбасадор досега повеќепати во јавните изјави истакнуваше дека Македонија има други реформски приоритети, законот за јазици не е еден од нив, тој не е дел од европската агенда.
Минатата недела Тимоние во изјава за повеќе медиуми изјави дека Законот е донесен на скандалозен начин, без консензус и цивилизирана дискусија и дека состојбата била разочарувачка. Тој дури истакна дека може да се проблематизира безусловната препорака за почеток на преговорите за членство во ЕУ поради тоа што законот е деносен „без минимум консензус и без цивилизирана дискусија“ и дека вчерашните инциденти во Собранието не се глетка од парламент на европска држава.