Директорот на ЦИА, Мајк Помпео, кој треба да биде новиот државен секретар, отпатувал за Пјонгјанг на таен состанок со севернокорејскиот лидер Ким Јонг Ун,објави весникот Вашингтон пост.
Според информациите, состанокот, кој наводно е подготовка за директни разговори меѓу американскиот претседател Доналд Трамп и севернокорејскиот лидер, Ким, се одржал околу 1 април, изјавиле неименувани официјални претставници.
Трамп претходно алудираше на директни разговори на високо ниво со Пјонгјанг, кога во Флорида за време на посетата на јапонскиот премиер Шинзо Абе изјави: “Имавме директни разговори на екстремно високо ниво”.Медиумите коментираат дека сега се дознало кој бил тој висок функционер.
Но, овој неочекуван и таен состанок ќе го одбележи највисокото ниво на американскиот контакт со Северна Кореја од 2000 година.