Пратеникот од ВМРО ДПМНЕ Никола Попоски рече дека 27 април лани е датум кој не може да биде запаментен по позитивно и истакна дека не смее да се оправда никакво насилство.
-27 април не може да биде запаметен по било што позитивно. Мора да имаме ист аршин во оценување на прекршоците , било да се однесуваат на физичко насилство кое никој разумен човек не може да го оправда и мора заедно да го осудиме, било да се работи во делот на прекршување на процедури и закони кои не може да донесат ништо ново на патот кон ЕУ, рече Попоски во изјава по повод годипнината од крвавиот четврток.
Од ВМРО ДПМНЕ во соопштението како реакција на ВМРО-ДПМНЕ на прес кон
-Отворање на нови работни места и нови странски инвестиции нема. На државен трошок се врабоуваат синови, ќерки, сопрузи и други блиски и далечни роднини на функционерите од власта. Растот на БДП за минатата година беше бетониран на нула, за разлика од сите земји во регионов и Европа, кои ја искористија поволната економска клима. Задолжувањето го проби плафонот, а капитални инвестии нема ни за лек, се наведува во партиската реакција.
Од партијата повторуваат дека обвиненијата за овие настани се „монтирани и политички“.
Од партијата додаваат дека ниту Игор Дурловски е терорист, ниту пак Борис Дамовски, Владо Јовановски, Богдан Илиевски, Митко Чавков или пратениците се терористи, дека обвинението против нив е политичка конструкција за да се покрие силувањето врз уставот, и бараат политичкиот прогон да запре, а власта да покаже интерес и да поведе истрага кои се луѓето под оружје што беа подготвени да пукаат во граѓаните кои со денови мирно протестираа.
-Оперски пејачи се прогласуваат за терористи, а никој не прашува кој ја даде наредбата и зошто токму во време на протестите беше донесена одлука да се реализира неуставниот избор за претседател на Собранието? Никој не спроведува истрага кои се тие вооружени групи во Чаир и во околината на Скопје, кои биле подготвени да тргнат кон Собранието? Под чија команда биле? Дали имале намера да пукаат во насобраните граѓани? Дали непостапувањето на институциите против нив, значи дека некој сеуште сака да ги има под контрола и да ги повика на оружје доколку почувствува потреба?, се вели во соопштението од ВМРО-ДПМНЕ.