Премиерот Зоран Заев вчера соопшти дека денеска до Собранието ќе ги достави предлозите за реконструкција на Владата.
Имињата на новите членови на Владата веќе се ,познати од јавноста и тие доажаат од редовите на новите коалициски партнери, Беса на Африм Гаши и ДПА на Мендух Тачи.
БЕСА на Гаши го номинира Асаф Адеми за нов министер за култура. Адеми е поранешен амбасадор во Данска како и кандидат за градоначалник на Гостивар од БЕСА.
Адеми во моментот е генерален директор на данска компанија.
ДПА ги предложи Бардиљ Даути, за министер без ресор задолжен за странски инвестиции, кој доаѓа на местото на Рамиз Мерко кој е избран за градоначалник на Струга и Митасин Бекири, како заменик министер за транспорт и врски.
Но освен што во Владата ќе влезат нови имиња, ќе има и рокади. Актуелната министерка за образование Рената Дескоска ќе биде прв човек во Министерството за правда, кое остана празно по оставката на Билен Салији. На чело на образование ќе биде предложен Арбер Адеми, актуелен заменик министер за образование, кој во 2016-2017 година беше вицепремиер за европски прашања.
Прашана како ги коментира шпекулациите за нејзиниот трансфер во Министерството за правда, Дескоска денеска изјави: „Мислам дека толку се интензивираа што веќе денеска не се ни на ниво на шпекулација“.
Таа најавува дека реформите во овој ресор ќе продолжат и понатаму.
-Без оглед кој и да е министер за образование и наука, тој ќе биде должен и мислам дека ќе има волја да ги спроведе реформите кои ги зацртавме. Јас не се откажувам од реформите бидејќи тоа се реформи на Владата. Не се лично мои или на било кој поединец. Како Влада ќе стоиме сите заедно и ќе даваме поддршка на реформите во сите области, вклучувајќи го и образованието, изјави вчера Дескоска.
На местото на Адеми, како што објави факултети.мк ќе биде предложен Петар Атанасов, кој во моментов е пратеник и актуелен претседател на комисијата за образование, наука и спорт во Собранието.
Единствениот кој ја напушта Владата е министерот за култура Роберт Алаѓозовски, што предизвика реакции во фелата.
Уметниците од Асоцијацијата „Јадро“ вчера организираа собир пред зградата на ресорното Министерство, од каде порачаа дека реформите кои досега ги спровел Алаѓозовски се солидни.
Регионалната платформа за култура – Кооператива од Загреб, испрати отворено писмо до премиерот на Република Македонија, Зоран Заев во кое ја искажува својата загриженост и осуда на одлуката за смена на Алаѓозовски.
Кооператива е регионална мрежа на организации кои работат на полето на независна култура и современа уметност во Југоисточна Европа, која опфаќа 22 независни културни организации и 4 мрежи на организации од земјите во регионот: Босна и Херцеговина, Црна Гора, Хрватска, Косово, Македонија, Словенија и Србија, активни во сите области на современата културна и уметничка практика.
Од движењето БЕСА убедуваат дека дека новиот министер ќе комуницира со сите засегнати страни. на ресорното министерство, од каде порачаа дека реформите кои досега ги спровел Алаѓозовски се солидни. Од движењето БЕСА убедуваат дека дека новиот министер ќе комуницира со сите засегнати страни.