Австралискиот суд го прогласи католички свештеник Филип Вилсон за виновен за прикривање на сексуална злоупотреба на деца во 1970-тите.
Вилсон, надлежен за Аделаида, е најстариот католик во светот кој ќе биде обвинет и осуден за делото.
Според пресудата тој го прикрил сексуаалното злоставување на момчиња од свештеникот Џејмс Флечер од Нов Јужен Велс, осуден за педофилија.
За време на судењето, Вилсон негирал дека жртвите му кажале за злоставувањето.
Во изјавата издадена од црквата, Вилсон вели дека е “разочаран” од пресудата и ќе ги разгледа неговите правни опции.
Минатиот месец, Вилсон во локалниот суд во Њукасл изјави дека немал сознанија за постапките на свештеникот Џејмс Флечер, кога бил помошник свештеник во Мејтланд.
Флечер подоцна беше осуден по девет обвиненија за сексуална злоупотреба на деца во 2004 година, а почина во затвор во 2006 година.
Една од неговите жртви, Петар Кери, пред судот сведочеше дека детално му ја опишал злоупотребата на Вилсон во 1976 година, пет години откако се случила.
Судијата изјави дека е уверен во изјавата на Кери и ги отфрли тврдењата на Вилсон дека тој не се сеќава на разговорот, со образложение дека Кери преку сведочењето се потврдил како кредибилен сведок.
Според судијата, свештеникот знаел дека “она што го слушал е веродостојно тврдење, а обвинетиот сакал да ја заштити Црквата и нејзината репутација”.
Жртвите на сексуалната злоупотреба се задоволни пресудата. Дел од нив тоа го прославија пред судската зграда.
-Се надевам дека одлуката ќе го разоткрие лицемерието, измамата и злоупотребата на моќ и доверба што ја покажа црквата, изјави за новинарите Кери.
Казната на Вилсон ќе му биде соопштена во јуни. Тој се соочува со максимална казна затваор од 2 години. максимум двегодишен затвор.
Адвокатите на Вилсон се обидоа четири пати да го одложат судењето, откако на 67-годишниот му била дијагностицирана Алцхајмеровата болест.