Со 153 „против“ и 127 “да” пратениците во грчкиот парламент го одбија предлогот на Нова демократија да се изгласа недоверба на Владата на Ципрас. За да се изгласа недоверба на Владата на Ципрас гласаше и пратеникот Димитрос Каменос од Независни Грци .
Поради ваквиот негов став, тој беше експресно исклучен од партијата „Независни Грци“ со одлука на претседателот Панос Каменос.
Последен говореше премиерот Алексис Ципрас кој ја критикуваше опозицијата зашто „во позитивен момент за земјата, одлучила да поднесе предлог за да се изгалса недоверба на Владата“.
„Земјата се согласи со ПЈРМ за конечно да го реши тридеценискиот конфликт. Од економска криза и меѓународна изолација, влеговме во ера на динамичен економски закрепнување и јакнење на нејзината меѓународна позиција “, кажа Ципрас.
Ципрас повтори дека ставот на Мицотакис дека „со овој договор ќе се подели Грција, а ќе се обедини Скопје“ е ист со позицијата на претседателот Ѓорѓе Иванов кој го тврди истото само за неговата страна.„Овие две тези не можат да бидат валидни“, рече Ципрас. Исто така, тој ја обвини Нова демократија дека изразила исти националистички ставови како ВМРО ДПМНЕ. За договорот, Ципрас кажа дека е добар и дека во него макеоднскиот јазик кој е признат уште од 1977 се дефинира како јужнословенски, односно како јазик кој нема никаква врска со античка Макеоднија.
Ципрас исто така кажа дека е договорено и комплексно име, со географска одредница, ерга омнес кое по уставните измени ќе го користат сите земји и дека „ соседите ќе ги одбележат спомениците, вклучувајќи го и споменикот на централниот плоштад во Скопје“.