Српската министерка за градежништво Зорана Михајловиќ изјави дека е побарано вклучување на Безбедносно информативната агенција (БИА) в о истрагата за уривањето на потпорниот ѕид на Коридорот 10. целта е да се утврди кој е одговорен за пропустите.
Според неа, на изградбата која се урива веќе три пати, иако се работи з аразлични делници, има повеќе нејасни работи, меѓу кои и да се објасни зошто дури 11 пати е направено препроектирање, иако се работи за една од најтешките делници – Грделичната клисура која е најтешко градилиште и во Европа.
Во истрагата ќе се утврдува одговорноста и за изведувачот и за оние коие го правеле проектирањето.
Михајловиќ рече дека е ангажиран дополнителен изведувач кој работи на расчистување и дека се чека колку е сметката од „Коридори Србија“, а најголемиот дел ќе го плати изведувачот.
Вчера весникот Блиц објави дека за уривањето на потпорниот ѕид на Коридорот 10 во Србија одговорен е шпанскиот изведувач „Азви“ кој не направил вертикални одводни канали, туку наместо тоа, со хоризонтални препреки се задржувала водата која го поттикнала свлечиштето.
Овој потпорен ѕид, кој се наоѓа на Коридорот 10 на делот од автопатот во изградба кон Македонија, на делницата Горно Поле- Царичина долина, во изминативе пет месеци паѓаше дури трипати.
Според весникот, оваа значително поевтин метод, бил договорен со претходниот менаџмент на компанијата „Коридор Србија“ , како и тоа дека воочените недостатоци се последица на отстапувања од проектираното решение.
Михајловиќ рече дека иако над 90 проценти од Коридорот 10 е завршен, ниту еден километар нема да биде пуштен, се додека не се гарантира безбедноста.