Папата Франциско пристигна денеска во Ирска, која во последните неколку години беше погодена од многу скандали на свештенството, а Католичка црква во земјата се наоѓа во многу тешка криза.
Ова е прва посета на папа на Ирска во последните 40 години, вели „Си-Ен-Ен“, пренесувајќи дека и натаму е омилен меѓу Ирците иако минатата недела беше објавен извештај за неколку децениската педофилија и заташкувања меѓу католичкото свештенство.
Се очекува на мисата на папата да присуствуваат десетици илјади луѓе.
Сепак, Франциско ќе го пречекаат и протести, а еден наречен „Заземи став за вистината”, ќе се одржи истовремено со мисата, јавува „Си-Ен-Ен“.
За време на дводневната посета, папата ќе се состане со ирскиот претседател Мајкл Хигинс и со премиерот Лав Варадкар.