https://www.youtube.com/watch?v=rpRyhpqJugg
САД денеска одбележуваат 17 години од терористичките напади во Њујорк и Вашингтон. Во меѓувреме, објавена е нова снимка, која го прикажува ужасот од нападите на терористите самоубијци на кулите близначки на Светскиот трговски центар во Њујорк, на 11 септември 2001 година.
Видео материјалите на Марк ЛаГанга, кој работел за Си Би Ес, чиј видео и аудио квалитет е подобрен досега имаат над 600.000 прегледи.
Во видео записот што трае нешто помалку од половина час е прикажано како службите за вонредни ситуации ги пребаруваат остатоци од кулите близначки.
И покрај тоа што трагедијата се случи пред речиси две децении, властите во САД сé уште ги идентификуваат на жртвите.
Меѓу последните идентификувани е 26-годишниот Скот Мајкл Џонсон, кој работел како аналитичар за хартии од вредност за инвестициска банка Keefe Bruyette и Вудс.
Според експертите, Џонсон е 1,642 личност за која официјално се идентификува како жртва на терористичките напади. Се верува дека има уште околу 1.100 луѓе кои се уште не се идентификувани.
Се претпоставува дека во нападите загинаа над 3.000 луѓе.
Што се случи
Исламистите, повеќето од нив од Египет, киднапираа четири патнички авиони со кои ги урнаа зградите на Светскиот трговски центар во Њујорк и го погодија седиштето на американската армија – Пентагон во Вашингтон. Четвртиот авион падна во поле во Пенсилванија по борба меѓу патниците и исламистите.
Американскиот претседателот Доналд Трамп денеска ќе го посети Меморијалниот центар изграден на местото каде се урна четвртиот авион, во градчето Шенксвил.
Нападите беа извршени во првата година од мандатот на претседателот Џорџ Буш Помладиот. Тој одговори со напад врз Авганистан, со цел да се урне талибанското движење кое и даваше поддршка на исламистичката група Ал Каеда одговорна за нападите, а потоа и со повеќегодишна крвава инвазија врз Ирак.
САД реагираа и со воведување на нови, далеку построги закони за контрола на комуникациите и следење на муслиманските здруженија, при што спречија повеќе напади врз авиони и на локации, како на Тајмс Сквер во Њујорк.