Published: Tuesday, January 1, 2019 20:10
Прогресивниот данок го заменува рамниот, повисоки придонеси за пензиско и за здравствено осигурување, ограничување на плаќањата во готово. Ова се даночните реформи што стапуваат на сила од денеска (1 јануари), а претходно беа најавени дека ќе почнат да се применуваат по влезот во новата година.
Игрите на среќа, капиталните добивки и средствата по основ на кирии ќе се оданочуваат со 15 отсто наместо 10 отсто како што беше досега. Стапката на придонеси во пензискиот систем се зголемува од 18 отсто на 18,4 отсто, а во здравствениот од 7,3 отсто на 7,4 отсто. Месечните приходи над 90.000 денари ќе се оданочуваат со 18 отсто, а лимитот за готовинско плаќање од денеска е позициониран на 1.000 евра.