На денешната владина седница помина одлуката новиот Клинички центар да се гради во Општина Ѓорче Петров, рече министерот за здравство Венко Филипче, при промоцијата на донацијата од 10 прочистувачи на воздух во Специјалната болница за гинекологија и акушерство „Мајка Тереза“ во Чаир.
За локации на новиот Клинички се разгледуваа и Карпош и Петровец.
„Се бодуваа трите локации – во Карпош, Ѓорче Петров и Петровец. Тим од експерти разработи методологија и според тоа се донесе заклучок дека Ѓорче Петров е идеална локација, прво поради положбата, понатаму дека најбргу можеа да се изготват проектните документи и поради тоа дека најмалку чини, односно целото земјиште е државно“, рече Филипче.
Анализата за локацијата во Петровец, покажала слабост во поглед на структуираноста на проектирањето и изведбата на проектот, во однос на подземниот дел, поради мочурливото земјиште и подземните што ќе повлечат поголеми трошоци за самата изведба.