Германската канцеларка Ангела Меркел на средбата со премиерот Заев рекла дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на Унијата.
Од владината прес служба исто така нагласуваат дека на средбата канцеларката потенцирала дека Северна Македонија го испорача очекуваното и дека таа и Берлин на тоа гледаат многу позитивно.
Премиерот Заев нагласил дека радува фактот што Министерството за надворешни работи на СР Германија има позитивен став за нашата земја во однос на започнувањето на преговорите за членство во ЕУ и дека треба да се испочитуваат процедуралните постапки и демократските процеси кои ќе овозможат Бундестагот да донесе позитивна одлука во септемеври.
Исто така Заев кажал дека земјава има целосна доверба во канцеларката Меркел и ја поддржува нејзината политика за процесот на проширување на ЕУ, како и нејзината политика кон Западен Балкан.
На средбата која траела околу 40 минути, а на која присуствуваа и вицепремиерот за европски прашања Бујар Османи и министерот за надворешни работи Никола Димитров, било истакнато дека СР Германија е наш стратешки партнер со кој заедно се работи на политиките за помирување на Западниот Блакан, на стабилизацијата на регионот, економски напредок.