Денешното судење за изборни нерегуларности за предметот „Титаник“ на Специјалното јавно обвинителство се одложи поради отсуство на обвинетите Миле Јанакиески и Кирил Божиновски кои се во домашен притвор.
Судењето ќе продолжи на 5 јули. Досега во овој предмет се изведени околу 4.000 од над 5.900 предложени материјални докази од СЈО.
Предметот го води судијата Осман Шабани, а застапник на обвинението е Лиле Стефановска.
Освен поранешниот премиер Никола Груевски кој е во бегство, во „Титаник“ обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашјаковска.
Тие се осомничени за злосторничко здтужување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања