Повредите што ги здоби за време на тренинг беа фатални по животот на младата американска гимнастичарка Мелани Колман (20). Членката на Универзитетот во Јужен Конектикат имаше тежок пад при изведување на рутинска вежба на двовисински разбој.
„Нашите мисли и молитви се насочени кон семејството Колман“, изјави Џеј Моран, прв човек на универзитетскиот атлетски клуб.
Колман потекнува од гимнастичарско семејство заедно со нејзините две повозрасни сестри ја продолжија традицијата на нивната мајка.
„Убедени сме дека духот, насмевката и хуморот на Мелани ќе живеат низ оние кои најмногу ја сакаа и почитуваа“, се вели во заедничката порака на ожалостеното семејство.
Случаите со смртни последици во гимнастиката се реткост, но, сепак, за жал се случувале во минатото. Во 1988 година, 15 годишната Џулиса Гомес остана парализирана по пад при настап во прескок. Три години подоцна почина како резултат на компликации од тешките повреди што ги здоби.