Сведочењето на 23-годишнот Давор В., киднапиран во Тирана од три лица кои под закана со оружје барале 250.000 евра, го пренесуваат речиси сите албански медиуми.
„Давор В. во полиција изјавил дека бил присилен од Сокол М. (42) и Алберт Џ. (41), двајцата жители на Тирана, да влезе во автомобил попладнето на 6 декември. Во главата му впериле пиштол барајќи 250.000 евра, а потоа насилно го втурнале во возилото“, пренесува агенцијата „Балкан веб“.
Полициски извори ја потврдиле дојавата за вооружени лица кои со БМВ кружеле околу момчето и присилно го внелеле во возилото. Веднаш биле ангажирани припадниците на специјалната полициска едница „Шќипоња“. На нивно предупредување за запирање на возилото, возачот ја зголемил брзната, но подоцна бил пресретнат во близина на седиштето на Архиепископијата во Тирана.
Приведените ги отфрлиле обвиненијата за киднапирање и пред на сослушувањето рекле дека сакале да извршат притисок врз македонскиот државјанин за враќање на долг.
„Но, целото сценарио на киднапирањето е расветлено од страна на полицијата кога Давор В. го спомнал Суби Е. (50) од Струга, кој имал улога на посредник меѓу двајцата киднапери и семејството на Давор за добивање на парите“, наведува агенцијата „Балкан веб“.
На двајцата албански државјани им е одредена мерка притвор, додека стружанецот ќе се брани од слобода под обвинение „непријавување на кривично дело“.