Published: Tuesday, March 3, 2020 21:46
СДСМ препозна дека клучот за развој и прогрес е во еднаквата родова застапеност и токму се донесе одлука не само за еднаква застапеност на жените во сите управувачки структури во партијата, туку и еднаква застапеност на листите“, истакна заменик-министерката за труд и социјална политика, Санела Шкријељ во денешното гостување на „Отворено“ на ТВ 24.
Системот што се нуди е систем кој гарантира дека жените ќе бидат подеднакво застапени на пратеничките листи, потенцираше таа и истакна дека партијата цврсто стои зад еднаквата застапеност на мажите и жените.
„Сметаме дека е време за сооднос 50-50, дека е време за силни и солидарни жени кои ќе застанат зад овој концепт, време е за радикални промени во нашето општество. Во изминатите две и пол години мислам дека покажавме дека може да се преземат крупни чекори што ќе водат до унапредување на состојбата со еднаквите можности на жените и мажите“, посочи Шкриељ.
Таа ги посочи и досегашните резултати на владата предводена од СДСМ во изминатите две и пол години.
„Би го спомнала само новиот Закон за абортус кој значи слобода и автономија на жената да одлучува за сопственото тело, би ја споменала ратификацијата на истанбулската Конвенција и сите нови сервиси што ги отворивме со цел превенција и заштита од сите видови на насилство врз жените. Би го споменала новиот Закон кој се однесува на превенција и заштита од сите видови на насилство врз жените за разлика од досега препознаеното само семејно насилство, новиот Закон за заштита и превенција од дискриминација, натаму развојот на услугите на локално ниво во социјалната заштитата што значи директно инвестирање во економијата на грижа“, подвлече заменик-министерката Шкриељ во дебатата.